Kryetari i Lëvizjes Demokratike, Izet Mexhiti përmes një postimi në profilin e tij ka njoftuar për konsolidimin e degës së kësaj partie në Jegunovcë duke shtuar se LD çdo ditë e pa ndalur Lëvizja Demokratike po konsolidohet.
Çdo ditë e pa ndalur Lëvizja Demokratike po konsolidohet. Duke u zgjeruar vazhdimisht, LD-ja po e thellon lidhjen politike me shqiptarët dhe po bëhet më gjithpërfshirëse.
Këtë të shtune organizuam Kuvendin e degës së LD-së në Komunën e Jegunovcit, ku me shumicë votash delegatët ia besuan udhëheqjen Besar Shaqirit. Nga Jegunovci vazhduam në Tearcë, ku delegatët në mënyrë transparente e demokratike, bash siç i shkon LD-së, zgjodhën Veton Amitin si liderin tonë në këtë degë.
Atmosfera në degët tona është e gjallë dhe shpresëdhënëse e fitorja në zgjedhjet lokale do ta konfirmojë LD-në si përfaqësuese të denjë të shqiptarëve. Me njerëz me vizion të qartë politik, integritet të pastër e vullnet të hekurt për qeverisje të mirë, e ardhmja e LD-së dhe shqiptarëve është pa asnjë dyshim e ndritshme.
Urime kryetarëve të rinj dhe të gjitha strukturave të degëve për punën e tyre të palodhur. U jam mirënjohës pafundësisht për angazhimin tuaj të sinqertë e të ndershëm.
