“Të dashur qytetarë,
Sot në Kërçovë, ndezëm Flakën e Janarit, në nderim të bijve të pavdekshëm të kombit tonë – Jusuf dhe Bardhosh Gërvalla dhe Kadri Zekës.
Kjo flakë simbolizon përjetësinë e sakrificës së tyre dhe na kujton përgjegjësinë tonë për të vazhduar rrugën e tyre drejt një të ardhmeje të lirë dhe të drejtë.
Janari është një muaj i historisë dhe kujtesës sonë kombëtare. Është muaji i heronjve që u flijuan për dinjitetin dhe idealet tona.
Falënderoj djemtë e rinj të këshillit organizativ, veprimtarët nga Kosova dhe të gjithë ju që sot ishit pjesë e kësaj ngjarjeje përkujtimore.
Pjesëmarrja juaj tregon se kujtimi për dëshmorët është i gjallë në zemrat tona
Lavdi dëshmorëve të kombit tonë!”
