Kryetari i Shoqatës ” Jehona e Malësisë”, Agron Dedivanaj nëpërmjet një postimi në fb ka kujtuar 557 vjetorin e vdekjes së Kryeheroit të kombit Gjergj Kastrioti- Skënderbeu.
“Figura më e madhe kombëtare e të gjitha kohërave dhe personaliteti i tij i pamposhtur janë ngulitur deri në përjetësi në identitetin tonë kombëtar dhe përfaqësojnë rrugën se si duhet të veprojmë, të bashkuar, unik dhe fitimtar”- ka shkruar Dedivanaj.
Ja postimi plotë:
Në këtë ditë, 557 vite më parë, ka ndërruar jetë kryeheroi dhe udhërrëfyesi i kombit shqiptar, Gjergj Kastrioti-Skënderbeu (6 maj 1405 – 17 janar 1468).
Figura më e madhe kombëtare e të gjitha kohërave dhe personaliteti i tij i pamposhtur janë ngulitur deri në përjetësi në identitetin tonë kombëtar dhe përfaqësojnë rrugën se si duhet të veprojmë, të bashkuar, unik dhe fitimtar!
Jemi krenarë që në unitet shoqatat atdhetare shqiptare nga SHBA-ja dhe Komuna e Tuzit kanë realizuar një kryevepër dhe kanë ngritur përmendoren e prijësit të kombit tonë në Malësi, në sheshin “Gjergj Kastrioti-Skënderbeu”. Kjo përmendore do të nënkuptojë përgjithmonë se Malësia është tokë shqiptare dhe se në të jeton populli autokton shqiptar.
Atmosfera atdhetare dhe patriotike në përurimin e kësaj përmendoreje do të mbes përgjithmonë në librat historik të kombit tonë!
Le të na motivojë ky sukses që të bashkuar të veprojmë në drejtim të realizimit të të gjitha çeshtjeve tona kombëtare!