Më 13 janar 2025, në orët e para të mëngjesit, policia nga Sektori për Punë të Brendshme Negotinë arrestoi dy persona, N.A. (33) dhe B.B. (54), të dy banorë të Prilepit. Sipas autoriteteve, ata dyshohen për përfshirje në një seri vjedhjesh të ndodhura midis datave 11 dhe 13 janar, ku janë marrë disa sende nga një hallë dhe automjete të ngarkesave të parkuara brenda saj, që i përkisnin një subjekti juridik dhe një personi fizik.
Policia ka arritur të rikuperojë një pjesë të sendeve të vjedhura dhe t’ua kthejë pronarëve. Dy të dyshuarit aktualisht mbahen në paraburgim në stacionin policor, ndërsa prokurori publik është njoftuar për rastin. Pas përfundimit të hetimeve, pritet që ndaj tyre të ngrihet një kallëzim penal.
