Pas shumë debatesh me të gjitha shtresat e qytetarëve – përfshirë të rinjtë, organizatat joqeveritare, sportive, kulturore, arsimore, shëndetësore, të mbrojtjes sociale, diasporën, odën ekonomike dhe bashkësitë lokale – sot para këshilltarëve të Kuvendit Komunal të komunës sonë paraqita Plan-Buxhetin për vitin 2025.
Me një vlerë totale prej 19,657,000 euro, ky buxhet është fryt i një procesi gjithëpërfshirës dhe transparent, ku zëri i qytetarëve ka qenë thelbësor.
Nga 22 këshilltarë të pranishëm:
16 vota pro,
0 kundër, dhe
6 të përmbajtura.
Ndërkohë, vendimi për realizimin e buxhetit u votua unanimisht, me 22 vota pro.
Ky vendim pasqyron përkushtimin tonë për të ndërtuar një Kërçovë më të zhvilluar dhe më të drejtë, ku përfshirja e çdo qytetari dhe efikasiteti i administratës vendore janë bazamentet kryesore. Ky buxhet synon të sjellë përmirësime konkrete në infrastrukturë, mirëqenie sociale, arsim, kulturë, sport dhe zhvillim ekonomik, duke e vendosur Kërçovën në një rrugë të qëndrueshme zhvillimi.
Kur veprat flasin, fjalët bëhen të tepërta. Sinqeriteti, transparenca dhe profesionalizmi do të jenë gjithmonë shtyllat e punës sonë.
Na priftë e mbara në vitin 2025!
Me Ju dhe për Ju.
Për Kërçovën tonë!
