MEPSO ka anuluar marrëveshjen me “Energoinvest” nga Sarajeva për largëpërçuesin me Shqipërinë, konfirmojnë burimet qeveritare për TV21. Për më shumë informacion nga MEPSO do të njoftojnë ditën e hënë. Kjo është bërë në konsultim me BERZH si dhe është informuar edhe kompania. Burimet qeveritare thonë se nuk pritet që MEPSO të paguaj penale, për shkak se kompania ka kërkuar Aneks plus 7.5 milionë euro. Pritet që procedurat për tenderin e ri të përfundojnë brenda 2 muajve, ndërsa ndërtimi i pjesës së parë e projektit për 2 vjet. Tenderi është mbyllur në vitin 2020 për 17 milionë euro. Pikërisht tema e parë në emisionin “Biznes 21” ishte hulumtimi “Ku përfunduan 50 milionë euro për lidhjen tonë energjetike me Shqipërinë?!”
