Studentët e Fakultetit Teknologjik, nën drejtimin e Dr. Zimere Saiti Musliji dhe sekretares së fakultetit, znj. Drita Kalisi, në bashkëpunim me iniciativën “Reetweet a Meal”, përgatitën vakte për 100 persona në nevojë.
Ky aktivitet u zhvillua me qëllim të promovimit të aftësive praktike si planifikimi dhe menaxhimi, duke ofruar një mundësi për studentët të reflektojnë mbi çështjet sociale dhe të shqyrtojnë mënyra për të kontribuar pozitivisht në komunitet.
Ky veprim është në përputhje me misionin e Universitetit për të nxitur përfshirjen qytetare dhe për të formuar individë të ndërgjegjshëm, të përkushtuar ndaj zhvillimit të një shoqërie më të drejtë dhe solidare.
