Mbrëmë pata kënaqësinë të marr pjesë në ceremoninë e 128-vjetorit të themelimit të Dhomës së Tregtisë së Tiranës, një ngjarje me rëndësi të jashtëzakonshme për historinë ekonomike të rajonit tonë. Ky përvjetor shënon kontributin e pandërprerë të këtij institucioni në zhvillimin e tregtisë dhe ekonomisë, duke mbështetur bizneset dhe nxitjen e inovacionit.
Gjatë ceremonisë, pata kënaqësinë të ndaj dy çmime të veçanta për dy kompani që kanë treguar rezultate të shkëlqyera dhe përkushtim të jashtëzakonshëm në fushat e tyre. Këto çmime jo vetëm që vlerësojnë arritjet e deritanishme, por edhe inkurajojnë standardet më të larta në biznes dhe zhvillim ekonomik.
Në fjalimin tim përshëndetës, theksova rëndësinë e bashkëpunimit të ngushtë mes Republikës së Shqipërisë dhe Republikës së Maqedonisë së Veriut. Kjo është një marrëdhënie strategjike që synon të forcojë tregtinë, investimet dhe zhvillimin e teknologjisë, duke krijuar mundësi të reja për qytetarët tanë. Sinergjia mes dy vendeve tona është një shembull i qartë i asaj që mund të arrihet përmes bashkëpunimit të sinqertë dhe të përkushtuar.
Një përvjetor i tillë jo vetëm që nderon të kaluarën, por frymëzon për të ardhmen. Me punë të përbashkët dhe vizion të qartë, mund të avancojmë drejt një ekonomie më të qëndrueshme dhe më konkurruese, në dobi të qytetarëve të rajonit tonë” ka shkruar Mexhiti
Mexhiti në Tiranë në 128 vjetorin e themelimit të Dhomës së Tregtisë
