Sot, 13 nëntor (e mërkurë), me ftesë të kryetarit të Odës Ekonomike të Maqedonisë Veriperëndimore (OEMVP) z. Mendi Qyra, kryetari i Bashkësisë Fetare Islame të RMV – së, Reisul Ulema H. Hfz. Shaqir ef. Fetai, i shoqëruar nga drejtori i agjencionit Hallall Standard, z. Driton Dikena si dhe drejtori i sektorit fetaro-arsimor, Mr. Fejzulla Sadiki, mori pjesë në eventin TOP 100
Në këtë event në të cilin pjesëmarrës ishin strukturat më larta shtetërore duke filluar nga kryeministri i vendit z. Hristijan Mickoski, zv/kryeministri i parë, z. Izet Mexhiti, ministri i ekonomisë, z. Besar Durmishi, zyrtarë tjerë të lartë në nivel shtetërorë dhe lokal, si dhe biznesmenë, afaristë e komercialistë nga vendi dhe rajoni, pjesëmarrës ishte edhe Kryetari i Bashkësisë Fetare Islame të RMV – së, Reisul Ulema H. Hfz. Shaqir ef. Fetai.
Në këtë event ku u bë ndarja e çmimeve për kompanitë më të suksesshme të vitit, u promovua katalogu i top 100 kompanive më konkuruese, ku në të u përfshi edhe krenaria e Bashkësisë Fetare Islame të RMV – së, Agjencioni “Hallall Standard”
Duke marrë këtë vlerësim të rëndësishëm, Agjensioni për Hallall Standard dëshmon përkushtimin e tij ndaj cilësisë dhe përmbushjes së standardeve më të larta, si dhe angazhimin për të sjellë vlera të qëndrueshme dhe të besueshme në tregun e Maqedonisë së Veriut dhe më gjerë. Përzgjedhja në këtë katalog e bën Agjensionin një shembull të rëndësishëm për kompanitë që ndjekin parimet hallall.
Ky vlerësim jo vetëm që forcon reputacionin e Agjensionit në treg, por gjithashtu ndihmon në rritjen e ndërgjegjësimit për rëndësinë e standardeve hallall, si dhe për potencialin ekonomik që sjell ky standard për industrinë.
Allahu ju bekoftë!
