Pata kënaqësinë të zhvilloj një takim me ambasadorin e sapoemëruar të Republikës së Austrisë në Mal të Zi, Sh.T. Christian Steiner.
Ne po punojmë me përkushtim për mbylljen e kapitujve të negociatave me Bashkimin Evropian, ku në një kohë të shkurtër kemi ndërmarrë hapa konkretë në rrugën tonë evropiane dhe deri në fund të vitit do të mbyllim katër kapituj, ku në tre prej tyre unë dhe ekipi im nga Ministria e Zhvillimit Ekonomik kemi dhënë një kontribut kyç.
Jemi krenarë për praninë dhe punën mbresëlënëse të kompanive austriake në Mal të Zi, të cilat jo vetëm janë një shembull i mirë i menaxhimit dhe sipërmarrjes, por edhe një forcë shtesë për zhvillimin ekonomik të vendit tonë.
Nik Gjeloshaj,
Zëvendëskryeministër për Politikë Ekonomike dhe Ministër i Zhvillimit Ekonomik
