Ramiz Lladrovci me rastin e zgjedhjeve në Amerikë dhe fitores që pritet të arrij presidenti Trump, në rrjetin social ka shkruar se “Presidenti Trump, është dëshmuar si aspirinë e fortë për prapaskenat antishqiptare dhe pres të mbyll lojërat e dëmshme globale”.
Postimi i plotë i Lladrovcit:
Prej se Presidenti Wilson i doli zot Shqipërisë dhe kombit shqiptar, në kohën e copëtimit dhe tregtisë së hegjemonive evropiane në kurrizin tonë, zgjedhjet në Amerikë janë të rëndësishme për ne.
Presidenti Trump, qysh në vitin 2016, ishte jo i rëndomtë në politikën globale. Evropianët nuk ishin mësuar me një personalitet të fuqishëm që ua thotë në sy defektet dhe bashkëjetesën me interesat e Rusisë.
Ai solli një qartësi të konfiguracionit të forcave globale. Amerika e fortë, është interes yni jetik. Kushdo zgjidhet president në Amerikë, ka qenë dhe shpresojmë të mbetet në vijat e presidentit Wilson. Presidenti Trump, qartësoi rrugë për kleçkat e vjetra evropiane.
Presidenti Trump, është dëshmuar si aspirinë e fortë për prapaskenat antishqiptare dhe pres të mbyll lojërat e dëmshme globale. Ashtu si më 2016, edhe tashmë, kisha një dëshirë që Trump të fitojë dhe thellojë miqësinë me Kosovën dhe Shqipërinë si dhe të sigurojë vend meritor në skenën globale.
Fitorja e presidentit Trump, qoftë hap i parë për fitore të reja dhe fuqizim të faktorit shqiptar!
https://www.facebook.com/share/p/19Qavotmcy/?mibextid=WC7FNe