Autori i librit “Porosia e kullës”, Dr. Pashko Camaj, në Tuz, në Shtëpinë e kulturës mori pjesë në promovimin e librit biografik, me ç’rast, ka falënderuar të gjithë kontribuuesit dhe promovuesit e librit të tij në Tiranë, Prishtinë dhe Tuz.
Dr. Pashko Camaj ka falënderuar të gjithë pjesëmarrësit si dhe mediet e shumta, në të njëjtën kohë, ka paralajmëruar se promovimi i librit të tij së shpejti do të organizohet edhe në SHBA.
Postimi i dr. Pashko Camajt në fb:
Këto ditë për mua ishin në kufijtë e surreales. Rrethuar me njerëz dhe me veprime që janë larg realitetit tim të rendomtë. Mirënjohës për të gjithë ata që janë “fajtorë” për këtë që përcjelli fatin e punës sime në fushën e shkrimit. Falenderime nga zemra për te gjithë që kontribuan, filluar nga përkthyesi, miqtë e mi të veçantë, Besnik Mustafaj dhe Bujar Hudhri, me shtepine botuese “Onufri”, të gjithë panelistët dhe institucionet që mundësuan promovimin aq në nivel, si Akademinë e Shkencave, Tiranë, Institutit Albanilogjik, Prishtinë dhe QKI-Malesi. Po ashtu falenderoj të gjithë pjesmarrjesit si dhe mediet e shumta. Në të njëjtën kohë, paralajmëroj se promovimi së shpejti do të organizohet edhe në SHBA.
