Kryetari i komunës së Kërçovës, Fatmir Dehari, ka qëndruar në Zvicër, në mesin e mërgimtarëve, me ç’rast ka shprehur mirënjohje për ta.
Bashkë me komunën, ne dimë të bëjmë punë të mira dhe do të vazhdojmë të kontribuojmë për zhvillimin e mëtejshëm, ka shkruar ai.
Postimi i Fatmir Deharit:
Sot nga Zvicëra!
Mesazh Falënderimi dhe Mirënjohjeje.
I ndjeva thellësisht emocionet gjatë përcjelljes së shfaqjes teatrale të përformuar nga nxënësit e shkollës sonë të qytetit këtu në Zvicër. Ky moment i veçantë u zbukurua nga programi kulturor-artistik i përgatitur me pasion nga fëmijët e mërgimtarëve tanë të mrekullueshëm.
Faleminderit shoqatës humanitare në Zvicër, kryesisë dhe kryetarit Resul Mehmeti për bashkëpunim e mbështetje të vazhdueshme. Një falënderim të veçantë për profesor Qamil Aliun dhe aktorët Rrahim e Afërdita për punën e shkëlqyer dhe angazhimin e tyre.
Bashkë me komunën, ne dimë të bëjmë punë të mira dhe do të vazhdojmë të kontribuojmë për zhvillimin e mëtejshëm.
Me respekt,
Fatmir Dehari!
