Shkruan : Shkodran Tolaj
“Hamza Kastrioti” është një djalë i ngathët e i përgjumur që para 12 vitesh regjistroi studimet akoma të pakryera!
“Hamza Kastrioti” nga etja e madhe për tu ulur një herë në jetë në kolltuk, bëri aleancë me “sulltanin” për “puç”dhe tradhëti ndaj njeriut të tij të afërt që e punësoi, e favorizoi e besa edhe i mbylli sytë para shumë mungesave e huqeve të tij!
“Hamza Kastrioti” i vetëdijshëm për tradhëtinë e bërë herë e quan “postin” hap të rëndësishëm profesional e herë do që të shpallet “heroi” që shpëton “njerëzit” dhe “shtëpinë” nga “prijësi” i cili shumë vite bashkërrugëtoi e triumfoi në “shumë beteja” bashkë me ta duke sakrifikuar çdo gjë për përparimin e mirëqenien e asaj shtëpie!
“Hamza Kastrioti” pa kuptuar u bë kukull e dirigjuar nga pushteti dhe me javë të tëra nuk mund ta kuptojë detyrën që ka marrë, sepse çdoherë me vonesë i “del gjumi”
Hamzai mbetet Hamza- tradhëtar që nuk bëhet dot kurr hero! Kam frikë që shumë shpejtë do të tradhëtojë edhe njerëzit më të afërt sepse ai është vetëm marionetë i cili dirigjohet nga “sullltani” që i dha “postin” por nuk ia beson ta ushtrojë, sepse është i ri e pa përvojë!
“Hamza Kastrioti” një ditë do ikë i turpëruar ashtu siç e ka marrë detyrën me turp e tradhëti!
Atëherë mbase do ti dalë gjumi, por do të jetë shumë vonë!