Ali Ahmeti në cilësinë e panelistit në fjalën e tij ndriçoi rolin dhe kontributin e presidentit Rugova jo vetëm për lirinë dhe shtetndërtimin e Kosovës, por edhe kujdesin dhe përkushtimin e tij për shqiptarët e Maqedonisë së Veriut.
Duke theksuar faktin që sot Evropa, synimi ynë kombëtar po ballafaqohet me rrezikun më të madh që nga Lufta e dytë Botërore me agresionin rus në Ukrainë por edhe me rrezikun gjithnjë në rritje të përhapjes së ndikimit rus në Ballkanin perëndimor dhe tensionet në rritje, duhet të rikujtojmë mësimet e presidentit Ruga për miqësi të përjetshme me ShBA dhe Bashkimin evropian.
Pajtimi mes kombeve është mësimi që na jep historia.
Ballkani do gjejë qetësi me pajtimin shqiptaro-serb si dy kombe e fqinj më të mëdhenj.
Shqiptarët e Maqedonisë së Veriut po përjetojnë momente sfiduese e potencialisht të rrezikshme por ne jemi të përkushtuar të ndjekim përcaktimin tonë evro-atlantik dhe me besim të paluhatur në perspektivën tonë demokratike, integruese e strategjike: bashke me aleatët tanë ShBA e BE!