Sot 17.09.2024 Reisul Ulema, H. Hfz. Shaqir Ef. Fetai priti në takim Olivera Trajkovskën, drejtoreshën e re të Komisionit për marrëdhënie me bashkësitë fetare dhe grupet religjioze në Republikën e Maqedonisë së Veriut, të cilën e shoqëronin këshilltarët e saj, z. Petar Petkovski dhe z. Besim Memedi. Reisul Ulemai falënderoi për vizitën dhe e uroi për emërimin e saj në këtë detyrë dhe i dëshiroi punë të mbarë dhe vazhdimin e bashkëpunimit të mirë mes dy institucioneve.
Edhe z-nja Trajkovska falënderoi Reisul Ulemanë për pritjen dhe tha se Komisioni është për të vazhduar me bashkëpunimin e mirë që kanë me BFI-në si një nga institucionet më të rëndësishme fetare në vend për të dëshmuar se roli i fesë është shumë i rëndësishëm në ruajtjen e vlerave njerëzore, sidomos te gjeneratat e reja. Ndër pikat që gjithashtu u biseduan, ishte edhe implementimi i lëndës së etikës fetare në sistemin arsimorë- shkollat fillore, në klasat e ulëta.
Takimi përfundoi me shpresë se ky bashkëpunim do të vazhdojë edhe në të ardhmen për kultivimin e marrëdhënieve të mira ndërfetare dhe bashkëjetesë së mirë mes komuniteteve si vlera të larta që kontribuojnë në afrimin e vendit drejtë anëtarësimit në BE. Reisul Ulemanë në këtë takim e shoqëruan, sekretari i përgjithshëm i BFI-së, H. Irsal Ef. Jakupi, shefi i kabinetit, dr. Abdulkerim Ef. Iseni, drejtori i sektorit fetarë-arsimor, Mr. Fejzulla Ef. Sadiki dhe z. Fati Azizi referent i çështjeve administrative.
