Kryetari i komunës së Tuzit, Lindon Gjelaj, ka pritur në takim veprimtarin e shquar Mark Nikollë Pjetrushin Lulgjuraj, personalitet i shquar në komunitetin shqiptar në Amerikë, kontribues i madh për kombin.
Në një postim në fb, Gjelaj ka vlerësuar lartë mysafirin dhe kontributin e tij për Tuzin dhe më gjerë.
Postimi i z. Gjelaj:
Kisha kënaqësinë të prisja Mark Nikollë Pjetrushin Lulgjuraj, një figurë e njohur dhe e respektuar në komunitet, i cili gjithmonë ka qenë pranë nevojave të Malësisë. Mark Lulgjuraj ka treguar përkushtim të jashtëzakonshëm në përmirësimin e jetës së bashkëqytetarëve të tij, duke kontribuar në shumë aspekte.
Shpreha mirënjohje për kontributin e vazhdueshëm të zotit Lulgjuraj dhe rëndësinë e individëve si ai, të cilët me përkushtimin e tyre i japin komunitetit mbështetjen dhe kujdesin e nevojshëm.
Në këtë takim, diskutova gjithashtu iniciativa të reja për të përmirësuar më tej jetën në Malësi, duke theksuar rëndësinë e bashkëpunimit me institucionet lokale.
LGJ