Shkruan: Pr. Dr. Agim Nuhiu
Ata që i kanë përcjellë zhvillimet në Interpol, në organizatën ndërkombëtare policore të përbërë nga 194 vende, e dijnë se Rusia ka shkaktuar zemërim kur kërkoj arrestimin e kundërshtarëve të Kremlinit. Nga abuzimi rus pësoi edhe Bill Browder, një financier i lindur në Amerikë, i cili u mbajt në Spanjë pas një kërkese për arrest nga Rusia!
Zemrime të tilla janë shkaktuar edhe me Kinën për shkak të abuzimit me sistemin e njoftimeve Interpol. Edhe Turqia dhe Irani është prekur nga ky spektër, që Interpolin e kanë shfrytëzuar për qëllime autoritare!
Zemërimi ndaj Interpolit arriti kulmin në 2018, kur një rus me lidhje të ngushta me pushtetin e Putinit, Aleksandr Prokopçuk pritej të zgjidhej në krye të Interpolit edhe pse përpjekja ruse në këtë përzgjedhje dështoi. Në krye të Interpolit u zgjodhë një kandidat nga Korea e Jugut! Të kishte ndodhë e kundërta, Putini do të merrte kontrollin e plotë të Interpolit!
Në kontekst të këtij zemërimi, ka shpresë gjjthësesi sepse në ndërkohë po bëhet fushatë për të pezulluar Rusinë nga Interpoli krejtësisht. Nga viti 2014 u vendosi të zgjidhen problemet me abuzimin e Interpolit duke u angazhuar një ekip prej rreth dyzet ekspertësh për të shqyrtuar urdhrat e arrestit para se të lëshohen për ekzekutim! Para dy vitesh vetëm 1,465 fletë arreste u hodhën poshtë ose u anuluan përpara publikimit, krahasuar me gati 70,000 fletë arreste të vlefshme! Baza e të dhënave të Interpolit ka mbi 100
milionë dosje policie dhe pothuajse 16 milionë kērkime në ditë!
Opinioni i gjërë e ka në menorien e tij dy kapjet më spektakolare nga Interpoli: kriminelin e luftës në Bosnjë, Radovan Karaxhiç dhe vrasësin serial francez Charles Sobhraj!
Në spiralen e zemërimit dhe shpresës është për shqetësim fakti që Ministria e Punëve të Brendshme e Serbisë ka nisur një iniciativë për hapjen e Byrosë Rajonale të Interpolit në Beograd, e cila është miratuar nga qeveria serbe në fillim të 2024, me qëllim të forcimit të bashkëpunimit rajonal dhe ruajtjes së sigurisë. Po të ndodhë kjo, atëherë Juridiksioni i Byrosë Rajonale të Interpolit në Beograd, e cila do të ishte e shtata në botë, do të përfshinte vendet e Evropës Juglindore.
Serbia disa herë e ka shfrytëzuar Interpolin për qëllime larje hesapesh të para 25 vitesh me ish-ushtarët e UÇK-së.
Serbia ka lëshuar me qindra fletarreste përmes Interpolit për ish-pjesëtarët e UÇK-së. Në bazë të një fletarrestit të tillë, para tetë vitesh në Paris më datë 4 janar 2017, ishte arrestuar edhe ish-kryeministri i Kosovës, Ramush Haradinaj. Ish – kryeministri Haradinaj, më 6 qershor 2005 ishte ndaluar më parë nga autoritetet sllovene bazuar në të njějtin Urdhër Arresti nga Serbia!
Ndërkaq, Tomor Morina një pjestarë i UÇK -së, para pesë vitesh, kurse Blerim Ramadani, po ashtu pjestarë i UÇK-së, para disa ditësh u arrestua nga autoritetet e Maqedonisë së Veriut! Kjo nuk është hera e parë që kryhen ndalime nga Maqedonia e Veriut me Urdhër Arresti të Serbisë!
Ne dhe miqtë tanë duhet edhe më shumë të jemi syçelë ndaj abuzimeve dhe iniciativave të fundit të Serbisë në lidhje me Interpolin! Zemërim . . .