Sot, 12.07.2024, Imami Xhamisë së Larme Mr. Emir ef. Kasami mirëpriti Shoqatën Zvicërane GCM (Komuniteti i Krishterëve dhe Myslimanëve në Zvicër) e cila promovon dialogun ndërfetar në Zvicër dhe synon rritjen e mirëkuptimit ndërmjet njerëzve me botëkuptime të ndryshme fetare e kulturore.
Kjo shoqatë udhëhiqet nga Angela Büchel Slatkovic dhe teologu i mirënjohur shqiptar Zeadin Mustafi. Ata me mbi 20 persona përfshirë teologë të krishterë dhe myslimanë vizituan Xhaminë e Larme në Tetovë.
Mysafirët ndoqën nga afër faljen e Namazit të Xhumasë dhe më pas imami Emir ef. Kasami përpara tyre ligjëroi mbi historikun e Xhamisë së Larme dhe vlerat e saj arkitektonike.
