Presidentja e sapozgjedhur e Maqedonisë së Veriut, Gordana Sijlanovska Davkova ka falënderuar Presidentin e Shqipërisë Bajram Begaj për urimin e tij lidhur me zgjedhjen e saj në krye të shtetit.
Ajo që bie në sy është fakti se Gordana Siljanovska Davkova, Presidentja e re e Maqedonisë së Veriut, komunikon shqip me Presidentin Begaj.
Pak orë pasi ky i fundit uroi Zonjën Gordana Siljanovska Davkova për zgjedhjen në krye të shtetit me anë të një postimi në platformën X, Presidentja e Maqedonisë së veriut reagoi në shqip.
Ajo ftoi Presidentin e Shqipërisë për bashkëpunim mes dy vendeve dhe për integrimin në Bashkimin Evropian.
“I nderuar President Begaj. Çelësi i integrimit evropian të Ballkanit qëndron në zhvillimin e bashkëpunimit tonë rajonal.
Ju ftoj së bashku të punojmë në avancimin e marrëdhënieve maqedono-shqiptare si dhe në integrimin tonë evropian”, kështu shkruan Presidentja e Maqedonisë së Veriut në përgjigje te urimit në anglisht të Presidentit Begaj.
https://media.oranews.tv/oranews.tv/media3/-640-0-pres-1715284723.jpg
