Zëdhënësja e LSDM-së, Bogdanka Kuzeska, doli me informacione fillestare për zgjedhjet që u mbajtën sot. Kuzeska theksoi se zgjedhjet ishin paqësore, të ndershme dhe demokratike.
“Kemi pasur një ditë të qetë, dinjitoze dhe të suksesshme, zgjedhjet kanë qenë të drejta dhe demokratike, siç i ka hije një anëtari të NATO-s. Janë konstatuar parregullsi, por minimale. E drejta e votës dhe liria e vendimit janë më të rëndësishmet në një demokraci. Falë qytetarëve që votuan, qytetarët treguan kapacitete demokratike, ndërsa institucionet treguan pjekuri në organizimin e zgjedhjeve”, tha Kuzeska.
