Kryetari i Lëvizjes Demokratike, pjesë e koalicionit VLEN, Izet Mexhiti ka theksuar se VLEN do të implementojë të gjitha pikat e programit të OEMVP me qëllim mbështetjen e bizneseve dhe zhvillimin ekonomik të vendit si dhe krijimin e vendeve të reja të punë.
Postimi i plotë i z. Mexhiti:
Sektori i biznesit shqiptar në vendin tonë duhet të ketë mbështetjen e parezervë të institucioneve shtetërore, lehtësimin e procedurave për investim si dhe krijimin e mundësive për zhvillimin e bizneseve.
Në takim me përfaqësuesit e Odës Ekonomike të Maqedonisë Veriperëndimore, biseduam për problemet dhe sfidat me të cilat ata ballafaqohen për momentin. Shqyrtuam planet e tyre dhe “Planin 2030” të Koalicionit VLEN dhe nënshkruam memorandum bashkëpunimi me të cilin garantojmë se si pjesë e Qeverisë së ardhme, VLEN do të implementojë të gjitha pikat e programit të OEMVP me qëllim mbështetjen e bizneseve dhe zhvillimin ekonomik të vendit si dhe krijimin e vendeve të reja të punës me çka rinia nuk do të detyrohet të braktis vendin.
