Biznesi nuk është konsultuar për vendimin qeveritar – kompanitë mprivate të mos punojnë nesër dhe më 8 maj, gjatë zgjehdjeve presidenciale dhe parlamentare.
Sipas Lidhjes së odave ekonomike (LOE), ajo që e mërkura është ditë jopune, reflektohet negativisht edhe ndaj katër ditëve të tjera të javës.
“Me ne, konkretisht, për këtë vendim nuk ka biseduar askush. Kur shpallni ditë jopune të mërkurën, e keni zgjedhur negativisht tërë havën, edhe e hëna edhe e marta janë relativisht joefikase, si dhe e enjtja dhe e premtja. Me të vërtetë, situatë mjaft e pakëndshme. Ky nuk është vendimi ynë, politikanët i sjellin ato vendime për datat zgjedhore të cilat u nevojiten për të fituar jehonë”, tha sot kryetari i LOE-së, Trajan Agelloski, duke u përjgigjur në pyetje të gazetarëve para fillimit të tryezës së rrumbullakët “E ardhme e qëndrueshme me inovacione të gjelbra, zbatim praktik në kompani”.
Më 9 prill këtë vit Qeveria soli Vendim, 24 prilli dhe 8 maji të jenë ditë jopune për shkak të zgjehdjeve presidenciale dhe parlamentare. Me atë rast, i rekomandoi edhe punëdhënësit nga sektori privat në vend ta zbatojnë Vendimin e këtillë për secilin qytetar të mund ta realizojë pa pengesë të drejtën e vet të votës.
Edhe sot, Inspektorati shtetëror i tregut (ISHT) përkujtoi se ditët e mbajtjes së zgjedhjeve presidenciale, 24 prilli 2024 (e mërkurë) dhe zgjehdjeve parlamentare, 8 maj (e mërkurë) janë ditë jopune për të gjithë qytetarët e Maqedonisë së Veriut, me vërejtje se punëdhënësit në ditët e cekura nuk duhet të kryejnë veprimtari, me përjashtim të atyre ku proceset e punës, për shkak të natyrës, nuk mund të ndërpriten.