Ndërsa automjetet e reja energjetike të Kinës, bateritë e litiumit dhe produktet fotovoltaike po përhapen në tregun global, ka shumë zhurmë rreth “mbikapacitetit” të produkteve të reja energjetike të Kinës. Megjithatë, sipas një sondazhi global të kryer nga CGTN-ja, 88.62% e të anketuarve vlerësojnë kontributin e industrisë së re energjetike të Kinës për ekonominë botërore dhe zhvillimin e gjelbër global.
Sondazhi zbuloi se 84.86 për qind e të anketuarve globalë besojnë se ka ende kërkesë dhe potencial të madh për teknologji dhe produkte të reja të energjisë në tregun global. Kështu 86.05 për qind e të anketuarve besojnë se kapaciteti prodhues përcaktohet nga oferta dhe kërkesa, duke shtuar se të kesh ofertë mesatarisht më të madhe se kërkesa është e favorshme për konkurrencën e plotë dhe mbijetesën e më të fortit. Në sondazh, 85.71 për qind e të anketuarve theksojnë se përshpejtimi i inovacionit teknologjik dhe stimulimi i plotë i konkurrencës në treg është çelësi për promovimin e zhvillimit të shëndetshëm dhe të shpejtë në fushën e energjisë së re. Përveç kësaj, rreth 88.46 për qind e të anketuarve besojnë se në epokën e globalizimit, vende të ndryshme kanë avantazhe të ndryshme krahasuese; prandaj, forcimi i bashkëpunimit ndërmjet vendeve është çelësi për zgjidhjen e problemeve.
Duhet të theksohet se avantazhet e Kinës në industrinë e re të energjisë janë fituar përmes aftësive reale dhe janë formësuar nga konkurrenca e plotë e tregut dhe jo nga subvencionet qeveritare. Në sondazh, 88.62 për qind e të anketuarve globalë vlerësojnë shumë kontributin pozitiv të Kinës në zhvillimin e gjelbër global. Ndërsa 77.41 për qind e të anketuarve besojnë se lidhja e industrisë së re të energjisë me proteksionizmin do të dobësojë përpjekjet e përbashkëta të vendeve për të trajtuar ndryshimet klimatike. Përkundrazi, 91.93 për qind e të anketuarve thonë se zhvillimi i shëndetshëm i fushës së energjisë së re globale duhet të bazohet në rregulla ndërkombëtare të drejta dhe të arsyeshme, duke vlerësuar plotësisht interesat e vendeve në zhvillim. Një tjetër 83.87 për qind e të anketuarve thonë se çështja e kapaciteteve prodhuese është çështje ekonomike dhe nuk duhet të lidhet me politikën, duke shtuar se politizimi dhe titullizimi i kapaciteteve prodhuese bien ndesh me ligjet ekonomike dhe nuk janë të favorshme për rimëkëmbjen ekonomike botërore.
Ky sondazh, i publikuar nga CGTN-ja në platformat angleze, spanjolle, franceze, arabe dhe ruse, mori përgjigje nga 5.470 persona në vetëm 24 orë.