E morëm njoftimin nga Qeveria për ditën e votimit, e cila është ditë e lirë vetëm për administratën. Konsideroj se kjo është e padrejtë, nuk është kusht i drejtë. Praktikisht, të gjithë punëdhënësit privat do të mund t’ua pamundësojnë qytetarëve ta braktisin vendin e punës, të dalin të votojnë, varësisht nga rrethanat e tyre, porositi Biljana Vankovska, kandidate presidenciale e Së Majtës në zgjedhjet e ardhshme, gjatë takimeve të sotme me qytetarët e komunave Qendër dhe Kisella Vodë.
Sipas saj, kjo do t’i diskriminojë qytetarët, sepse në këtë mënyrë një numër i madh i qytetarëve, posaçërisht nga Shkupi, por të cilët rrjedhin nga qytetet e brendësisë, nuk do të kenë mundësi ta shfrytëzojnë të drejtën e votës.
Vankovska njëherit, në takimet me qytetarët e komunave Qendër dhe Kisella Vodë ua prezantoi programin e vet zgjedhor.
Ajo para banorëve të Qendrës edhe njëherë i prësëriti qëndrimet e saja të fuqishme për anulimin e te marrëveshjeve. Theksoi edhe se në mungesë të debatit publik të kandidatëve presidencial, duhet të shkohet njeri pas njeriu, nga rruga në rrugë për t’ua afruar programin qytetarëve.
“Unë dhe E Majta bëmë gjithçka që është në fuqinë tonë që programi të jetë i kapshëm për secilin qytetar. Është e dukshme se kundërkandidatët e mi u frikësuan nga debati, për të cilin është gjithnjë e më e qartë se do të mungojë. Ky është turp për demokracinë”, theksoi Vankovska.