Një grup i specializuar i Kombeve të Bashkuara do të shqyrtojë nëse Palestinës do t’i jepet statusi i shtetit anëtar me të drejta të plota në OKB këtë muaj, sipas Vanessa Frazier, ambasadore në OKB-së e Maltës dhe presidente e Këshillit të Sigurimit për muajin prill, raporton CNN.
“Këshilli ka vendosur që ky diskutim të bëhet gjatë muajit prill, “tha Frazier në një konferencë shtypi të hënën.
Pas një sesioni me dyer të mbyllura të hënën, Këshilli i Sigurimit i OKB-së ia referoi këtë kërkesë për shtetësinë palestineze Komitetit për Pranimin e Anëtarëve të Rinj, tha ajo.
Komiteti mbajti takimin e tyre të parë të hënën për të filluar diskutimet në lidhje me aplikimin e rinovuar të Palestinës, tha ajo.
Misioni Palestinez në OKB bëri fillimisht një kërkesë për t’u njohur si një shtet anëtar me të drejta të plota në vitin 2011. Atij iu dha statusi “shtet vëzhgues jo-anëtar” në nëntor 2012.