Kandidati për President nga radhët e VLEN, Arben Taravari, me zemër të trishtuar, ngushëllon familjen dhe miqtë e Lindita Ahmeti në këtë moment të trishtë për ndarjen nga jeta të poetes dhe aktivistes së shoqërisë civile. Lindita Ahmeti ishte poete dhe njeri i rrallë, ajo ishte edhe motra e aktorit të ndjerë të madh Luran Ahmeti, të cilët së bashku jetën e tyre ia dedikuan të mirës së shoqërisë.
‘Kjo ditë më është trishtu…U nda nga jeta një poete dhe njeri i rrallë, Lindita Ahmeti. Ajo është bashkuar me Luranin, vëllain e saj e mikun tim të paharruar… Ngushëllime prindërve! Dhimbja ndonjëherë është më e fortë se të gjitha fjalët! Zoti e pastë afër!’ – citohet në ngushëllimin e Taravarit ndaj familjes Ahmeti.
