Presidentja e Kosovës, Vjosa Osmani, ka përkujtuar masakrën e Belegut në Deçan, në përvjetorin e 25-të ku mbetën të vrarë 46 shqiptarë.
Osmani tha se fati i një pjese të të zhdukurve me dhunë, mbetet ende i pazbardhur, ndaj zbardhja e fatit të të zhdukurve me dhunë mbetet përkushtim i çdoditshëm.
“Të rrethuar në oborrin e një shtëpie në Beleg të Deçanit, 25-vjet më parë forcat policore, ushtarake dhe paramilitare të regjimit gjenocidal të Serbisë, pasi që iu ndanë burrat dhe të miturit nga gratë, vranë dhe masakruan 46 shqiptarë. Fati i një pjesë të të zhdukurve me dhunë, mbetet ende i pazbardhur, ndaj krahas kujtimit për martirët, zbardhja e fatit të të zhdukurve me dhunë mbetet përkushtim i çdoditshëm”, ka shkruar Osmani në “Facebook”.
Osman ka kujtuar edhe shqiptarët e vrarë në të njëjtën mënyrë në lagjen Bair të Mitrovicës, në Dumnicë të Vushtrrisë dhe në Poterq të Klinës.
“Qoftë i përhershëm kujtimi për gjithë të rënët për liri!”, përfundoi Osmani.
Osmani kujton masakrën e Belegut: Zbardhja e fatit të të zhdukurve me dhunë mbetet përkushtim i çdoditshëm
