Kryetari i BDI Ali Ahmeti ka shprehur ngushëllime për familjen Krasniqi e Mehmetaj me rastin e vdekjes së Meritës, bashkëshortes së heroit Adrian Krasniqi.
Ndonëse ndonjëherë dhimbja nuk mund të shërohet me fjalë por të paktën rikujtimi për ata që dhanë shumë për këtë popull dhe familjarët e tyre, të jetë mësim për gjeneratat e reja që historia e shenjtë e shqiptarëve nuk duhet harruar në asnjë moment, ka shkruar Ahmeti.
Të nderuara familje Krasniqi e Mehmetaj,
Shpreh ngushëllimet e mia më të sinqerta për vdekjen e Meritës, e cila iku nga kjo jetë në moshën më të mirë, duke lënë plagë jo vetëm për ju por edhe për gjithë ata që e njohën.
Ndonëse ndonjëherë dhimbja nuk mund të shërohet me fjalë por të paktën rikujtimi për ata që dhanë shumë për këtë popull dhe familjarët e tyre, të jetë mësim për gjeneratat e reja që historia e shenjtë e shqiptarëve nuk duhet harruar në asnjë moment.
E tillë ishte familja Krasniqi, që kombit i dha jo vetëm Adrianin por edhe tetë dëshmorë të tjerë. Adriani bashkë me Meritën që në moshë të re punonin për çështjen kombëtare duke sakrifikuar gjithçka.
Merita përjetoi shumë sfida që në bankat e shkollës së mesme kur edhe përjetoi helmimet e viteve 90-ta.
Dhe sot kujtojmë që të dy, familjet e tyre dhe ndajmë dhimbjen me ta.
I lehtë qoftë dheu për të gjithë të rënët për çështjen kombëtare!