Zëvendësministrja plotësuese e Financave në Qeverinë teknike Elena Petrova akuzon Qeverinë se i ka shkelur parimet e menaxhimit të përgjegjshëm fiskal.
“Qeveria e LSDM-së dhe BDI-së shkeli parimet e menaxhimit të përgjegjshëm fiskal. Është shkelur parimi i qëndrueshmërisë – deficiti buxhetor dhe borxhi publik tani janë barrë e tepruar për ekonominë dhe nuk mbështesin rritjen ekonomike në afat të gjatë”, thekson Petrova në një postim në Fejsbuk, të cilin e ka shpërndarë edhe në një kumtesë për media.
Petrova plotëson se është shkelur edhe parimi i përgjegjësisë ndër breza.
“Një menaxhim i tillë fiskal ndikon negativisht në mirëqenien e gjeneratave aktuale dhe të ardhshme”, shkruan Petrova.
