Moti do të jetë pjesërisht i vranët, pasdite me reshje lokale shiu dhe bubullima të rralla. Do të fryjë erë e lehtë deri mesatare nga drejtimi jugperëndimor. Temperatura minimale do të jetë në intervalin prej 1 deri në 6, ndërsa ajo maksimale do të arrijë nga 10 deri në 16 gradë.
Në Shkup me vranësira të pjesshme, pasdite në disa pjesë të luginës me reshje të kohëpaskohshme shiu. Do të fryjë erë e lehtë deri mesatare nga drejtimi jugperëndimor. Temperatura minimale do të zbresë deri në 5, ndërsa ajo maksimale do të arrijë deri në 16 gradë.
Në ditët në vijim do të mbajë mot me vranësira të pjesshme me reshje të kohëpaskohshme shiu. Nesër pasdite do të ketë reshje lokale shiu dhe do të pasohen me bubullima të rralla. Të enjten në disa vende do të mbajë mot i paqëndrueshëm me reshje të rrëmbyeshme dhe bubullima, ndërsa në viset malore reshjet do të jenë të borës.
