Bashkimi Demokratik për Integrim demanton ashpër shpifjet ndaj BDI-së nga gazetarë, disa portale dhe parti politike për procesin e grumbullimit të nënshkrimeve për kandidatët për President.
Fushata kundër idesë së BDI-së për zgjedhje të presidentit me 2/3 e votave në Kuvend dhe me shumicë të Badenterit, si dhe ndryshimeve kushtetuese për zgjedhje presidenciale dhe përfshirjen e komunitetit bullgar dhe të tjerëve në Kushteturë, që po zhvillohet nga VMRO, Levica, por edhe nga LSDM, si dhe derivatet e BDI-së, nuk po i kursen qytetarët nga lajmet e rrejshme dhe fatkeqësisht edhe disa media po bien pre e fushatës me gënjeshtra.
Në inçizimet e publikuara në rrjete sociale paraqiten qytetarë që anëtarësohen në BDI në selitë e BDI-së, ku shihet qartë që formularët janë me llogo të BDI-së, ndërsa nënshkrimet për kandidaturën e Dr. Bujar Osmanit për president janë tërësisht aktivitet tjetër që organizohet nga KSHZ dhe ky proces po realizohet masivisht nga përkrahësit e BDI-së dhe të Dr. Bujar Osmanit në qendrat rajonale të KSHZ-së çdo ditë sipas planit të Shtabit tonë Zgjedhor.
Lajmet e rreme janë mjet special i propagandës ruse dhe jemi dëshmitar që të gjithë po bien pre e asaj propagande të zbatuar nga eksponent të tyre në Maqedoni.
Ti themi të gjithë bashkë JO Rusisë, PO Europës.