Kryetari i komunës së Drenasit, Ramiz Lladrovci ka përkujtuar heroin Shaban Polluzha me rastin e përvjetorit të rënies, të cilin e ka quajtur personifikim të qëndresës kombëtare të asaj kohe.
Shaban Polluzha personifikoi tërë qëndresën tonë kombëtare përball praktikës shfarosëse të Serbisë, të ushtruar së paku për 30 vjet, duke u bërë shtyllë e rezistencës dhe krenarisë kombëtare, ka shkruar Lladrovci.
Postimi i plotë:
Në përvjetorin e rënies heroike, kujtojmë me nderim, heroin Shaban Polluzha me bashkëluftëtarë, të cilët në atë kohë, më mirë se të gjithë e kuptuan e vepruan për kauzën e popullit tonë, kundër okupatorit të ri me yll.
Shaban Polluzha personifikoi tërë qëndresën tonë kombëtare përball praktikës shfarosëse të Serbisë, të ushtruar së paku për 30 vjet, duke u bërë shtyllë e rezistencës dhe krenarisë kombëtare.
Drenica, pas kohës së Azem Galicës, për herë të dytë u sulmua nga të gjitha anët dhe me rezistencën e parë antikomuniste në Evropë u ballafaqua me masakra të papara të cilat mbetën kujtesë që do ta mbajë të gjallë rezistencën ndër breza, deri te Komandanti legjendar i UÇK-së, Adem Jashari.
Lavdi jetës dhe veprës së heroit Shaban Polluzha!
https://www.facebook.com/share/p/XkqTKyTmVpu2ZkAu/?mibextid=WC7FNe
