Kryetari i Aleancës për Shqiptarët, Arben Taravari në intervistën e tij “Argument plus” në TV24, tha se e gjithë kjo situatë që po ndodh në partinë e tij, ndodh për shkak se ai ka refuzuar ofertën e Ali Ahmetit dhe i është bashkuar opozitës shqiptare.
Nëse 60% e kuvendarëve të partisë janë pro qëndrimit tim dhe 40% janë për grupin tjetër, te mbështetësit dhe votuesit e Aleancës për Shqiptarët është 90% pro qëndrimit tim”, tha kreu i ASH-së, Arben Taravari.
Sipas tij, grupi tjetër i ASH-së është nën ndikim të BDI-së dhe ashtu siç i urdhëron BDI-ja, por populli tashmë ka vendosur për bllokun opozitar shqiptar.
“Pavarësisht se si do të garojmë, fitorja e shqiptarëve do të jetë e thellë kundrejt BDI-së”, deklaroi Taravari duke theksuar se partia politike nuk as vula e as partia, por njerëzit, ideali dhe kauza, ndërsa votuesi dhe mbështetësi i ASH-së, gjithmonë ka qenë kundër BDI-së.