Zëvendëskryeministri dhe ministri i Zhvillimit Ekonomik, Nik Gjeloshaj, gjatë qëndrimit në Amerikë, me ftesë për pjesëmarrje në Mëngjesin e Lutjeve, ka pasur aktivitete të ngjeshura dhe takime zyrtare dhe në veçanti me diasporën shqiptare.
Z. Gjeloshaj me bashkëpunëtorë nga Forumi Shqiptar, ka takuar pjesëtarët e diasporës. Gjeloshaj ka cekur rëndësinë e diasporës për emancipimin politik dhe zhvillimor nga Komuna e Tuzit.
Ky vizion i Forumit shqiptar me diasporën, është sukses i përbashkët, ka theksuar Gjeloshaj.
Postimi i plotë i z. Gjeloshaj:
Gjithmonë është kënaqësi të takoj diasporën tonë! Bashkë ia filluam emancipimin politik dhe zhvillimorë nga Komuna e Tuzit, ndërsa tani vazhdojmë për krejt shqiptarët në Mal të Zi!
Ku ishte politika shqiptare në 2019, e ku jemi sot, është punë e përbashkët e Forumit shqiptar me diasporën!
Së bashku, fuqishëm, vazhdojmë misionin tonë: avancimin ekonomik, politik dhe kombëtar të shqiptarëve në Mal të Zi!
NGJ
