Detaje të reja kanë dalë në lidhje me operacionin e mbrëmjes së kaluar në qytetin e Vlorës, në fund të të cilit u arrestuan dy persona me armë zjarri.
Sipas të dhënave nga policia e qytetit bregdetar, të arrestuarit janë Santiljano Basho dhe Bruno Shehu, të cilëve iu gjetën armët, teksa janë shoqëruar në komisariat dhe dy persona të tjerë.
Në operacion u përfshinë dhjetëra policë, forcat RENEA dhe FNSH, të cilët bllokuan për disa minuta bulevardin e Vlorës.
Në vendngjarje, përveç armëve, policia sekuestroi dhe një sasi parash, por ende nuk ka një komunikatë zyrtare për ngjarjen.
Santiljano Basho, nuk është një emër i panjohur për drejtësinë shqiptare. Ai konsiderohet si një prej “të fortëve” të Selenicës, i dënuar në 2019 për ‘shtrëngim me dhunë për dhënie për dhënie pasurie’.
Santiljano është vëllai i Tesi Bashos, një person me rrezikshmëri të lartë, i dënuar në Itali me burgim të përjetshëm për vrasje.
Ai ka vrarë dy vajza që ushtronin prostitucion në qytetin e Torinos, një prej të cilëve e shfrytëzonte edhe vetë. Ai ishte arrestuar në vitin 2016 në Itali, por vetëm pak kohë më vonë duke shfrytëzuar transferimit pas tërmetit në Itali, së bashku me dy shokë u arratis nga dritarja e burgut, me çarçaf. Ra në prangat e policisë më 16 tetor të vitit 2019.