Kryetari i Aleancës për Ardhëmrinë e Kosovës, Ramush Haradinaj, ka thënë se dialogu dhe qeverisja në Kosovë janë rruga e humbur.
Haradinaj në deklarimet jashtë rendit të ditës ka thënë se kushdo që mendon se Qeveria e e Albin Kurtit do ta nxjerrë Kosovën nga kjo rrugë do të dalë gabim.
“Nëse në parlament e shohim Qeverinë tonë që udhëheq vendin në drejtim të gabuar dhe i sjellë goditje vendit, si të veprojmë ne. Nëse dikush prej nesh ende shpreson që Qeveria Kurti do ta nxjerrë Kosovën nga rruga e humbur e nga sanksionet jam i bindur që do të dalë gabim. Besoj që është detyra e parlamentit me e nxjerrë Qeverinë nga drejtimi i gabuar”, ka theksuar Haradinaj.
