Presidentja e Kosovës, Vjosa Osmani do të vizitojë Tiranën në datat 4 dhe 5 shtator, me ftesë të homologut të saj Bajram Begaj.
Njoftimi u bë i ditur pak ditë më parë, ndërsa ditën e sotme Presidenca e Shqipërisë dha detaje nga axhenda e vizitës shtetërore, “e cila zhvillohet në një moment të rëndësishëm për dy shtetet tona dhe për rajonin”.
Mësohet se Presidenti i ]Shqipërisë, Begaj do ta presë Osmanin me Ceremoninë Zyrtare të Mirëseardhjes në Institucionin e Presidentit të Republikës së Shqipërisë, në orën 10 të datës 4.
Po në datën katër, pas takimit të dy presidentëve do të zhvillohet edhe një takim i zgjeruar mes delegacioneve. Gjatë orës 11:40 – 12:05, dy homologët do të japin një koferencë për shtyp.
Sipas Presidencës së Shqipërisë, presidentja e Kosovës ka parashikuar edhe takime të tjera të nivelit të lartë.
