Obeziteti është i lidhur me rritjen e rrezikut të kancerit e një studim që përfshin 40 vjet ndjekje tani konfirmon se, të paktën për gratë, operacioni për humbje peshe ndihmon në uljen e rrezikut afatgjatë për kancer.
“Sigurisht, ka prova se kirurgjia bariatrike, e cila rezulton në humbje të konsiderueshme në peshë dhe humbje të qëndrueshme të peshës, zvogëlon rrezikun për kancer”, tha studiuesi kryesor Ted Adams, nga Programi Klinik dhe profesori ndihmës në fushën e brendshme në Shkollën e Mjekësisë të Universitetit të Utah.
Arsyet pse kirurgjia bariatrike mund të zvogëlojë rrezikun e kancerit nuk mund të konfirmohen nga ky studim, por Adams ka disa ide, transmeton KlanKosova.tv.
“Ekziston një mekanizëm i mundshëm hormonal. Të paktën kanceret që ishin dukshëm më të ulëta për pacientët e kirurgjisë bariatrike krahasuar me pacientët jokirurgjik ishin kryesisht kancere të lidhura me femrat — kanceri i mitrës, vezoreve dhe gjirit”, tha Adams.
Studimi zbuloi gjithashtu një ulje të kancerit të zorrës së trashë. Ndërsa ai nuk është i drejtuar nga hormonet, ai zbulim mund të lidhet me reduktimin e yndyrës së trupit.