Në Bosnje dhe Hercegovinë ka ndodhur një tragjedi gjatë ditës së sotme, përcjell TV21. Një burrë dyshohet se ka mbytur gruan e tij dhe dy persona tjerë, ndërsa pamjet i ka transmetuar “live” në rrjetet sociale.
“Avaz” raporton se bëhet fjalë për Nermin Sulejmanoviç, i cili është trajner i fitnesit, i njohur për organet e rendit, respektivisht raportohet se për të njëjtin kishte fletarrest ndërkombëtar.
Ngjarja ka ndodhur në rajonin e Grdaqecit.
Mediumet paraprakisht raportuan se në mesin e të vrarëve ishte edhe një foshnje, por Sulejmanoviç në video thotë se foshnja është gjallë.