Filiali i bankës në zonën e Unazës së Madhe është tentuar të grabitet ditën e sotme.
Autori, Enrik Ismalaj kishte tentuar që të thyente xhamat e bankës, me tulla dhe më pas të kryente aktin e vjedhjes. Ai ka mundur të thyej një prej xhamave dhe tjetri ka marrë dëmtime të mëdha. Kaq mjaftoi që të sinjalizohej policia, e cila bëri të mundur dhe arrestimin e 23-vjeçarit në flagrancë.
“Shërbimet e Komisariatit të Policisë Nr. 6, në vijim të punës për goditjen e veprimtarisë kriminale në fushën e vjedhjes së pronës dhe pasurisë, bazuar dhe më informacionet e marra në rrugë operative se një shtetas, në rrugën “Teodor Keko”, në Unazë të Re, po tentonte të vidhte në një filial banke, kanë organizuar menjëherë punën për kapjen e autorit të dyshuar dhe vënien e tij përpara përgjegjësisë ligjore”, njoftoi policia.
Në deklarimet e para në polici i riu tha se nuk kishte qëllim të grabiste bankën, por se ai vuan nga depresioni.
