Një pushues nga Kosova ka mbetur i plagosur me thikë mbrëmjen e kësaj të enjteje në Kune të Shëngjinit. Klan TV raporton se ngjarja ndodhi pas një sherri mes dy personave, të dy nga Kosova, për shkaqe dhe në rrethana momentalisht të paqarta.
I plagosuri, identiteti i të cilit nuk dihet ende, është dërguar në spitalin e Lezhës për ndihmë mjekësore. Ai raportohet se është në gjendje të rëndë shëndetësore.
Ndërkohë në vendin e ngjarjes ndodhet policia, e cila nisur punën për zbardhjen e kësaj plagosjeje.
