Milan Skriniar luajti të martën kundër së kaluarës. Ndeshja kundër Inter-it në turneun aziatik ka vënë përballë të tashmen e mbrojtësit që është PSG dhe ish-skuadrën e tij, Inter-in.
“Kam pasur gjithmonë besim te transferimi. Që nga kontaktet e para nuk kam pasur dyshime: doja të shkoja në Paris”.
Këto kanë qenë fjalët e Milan Skriniar për Le Parisien. Ish-mbrojtësi i Inter-it është shprehur mbi atë që ka qenë negociata që këtë verë e ka çuar të veshë fanellën e PSG-së.
“Tani jam këtu dhe, sinqerisht, besoj se është fantastike. Kemi filluar të flasim vitin e kaluar, është e vërtetë. Ka qenë një negociatë e gjatë. Disa gjëra duan pak kohë për t’u realizuar”.
Në fund, mbrojtësi ka dashur të nënvizojë aspektin që e bindi të ëmererte vendimin për t’u transferuar në Francë. Skriniar ka ndjerë interesimin e madh nga ana e PSG-së, edhe kur ishte i dëmtuar dhe kur gjendja e tij fizike nuk ishte shumë e mirë:
“Kisha gjithmonë dikë që më kontaktonte dhe interesohej për gjendjen time.
Edhe kur isha i dëmtuar kontaktet kanë vazhduar, kam folur shumë me doktorin Christophe Baudot dhe drejtorin sportiv Luis Campos”.
/BotaSot/
