Korfuzi ka lëshuar një urdhër evakuimi, pasi vendi po përballet me situatë kritike ndërsa zjarri ka shpërthyer në pjesën veriore të ishullit.
Ky lajmërim vjen pasi rreth 19,000 njerëz u evakuuan në ishullin Rodos, i cili gjithashtu është goditur nga zjarret.
Greqia është përballur me nxehtësinë e madhe, me temperatura që kalojnë 40 gradë Celsius në të gjithë vendin dhe zjarret kanë ndezur për gati një javë në disa zona.
Të dielën në mbrëmje, Shërbimi i Komunikimeve Emergjente i Greqisë publikoi urdhra evakuimi për një sërë zonash të Korfuzit.
Njerëzit në zonat e Santa, Megoula, Porta, Palia, Perithia dhe Sinies në ishull u është thënë të evakuohen.
Rreth 16,000 njerëz u evakuuan nga toka dhe 3,000 nga deti, sipas zyrtarëve lokalë. Ministria e Ndryshimeve Klimatike dhe Mbrojtjes Civile e Greqisë tha se ishte “evakuimi më i madh nga një zjarr në vend”.
