Edhe sa ka qenë në BDI dhe pasi vendosi të formojë lëvizjen e re, Izet Mexhiti nuk ka komunikuar më shumë se 8 muaj me liderin e integristëve, Ali Ahmetin.
Mexhiti në “SummerClick” në TV21 thotë se tanimë nuk ka se për çfarë të bisedojnë bashkë.
“Fatkeqësisht nuk kemi komunikim më shumë se 7-8 muaj. Nuk më ka komunikuar, por as unë nuk e kam komunikuar. Ia dimë përgjigjet e njëri – tjetrit. I kemi debatuar shumë herë, jam munduar, e kam lutur deri në qiell që të mos vijmë deri te kjo situatë dhe tani është shterur ky debat, nuk kemi se çfarë të diskutojmë”, tha Mexhiti.