Nënkyretarja e PDK-së, Vlora Çitaku ka njoftuar se nesër do t’i bashkohet protestës së thirrur nga veteranët e UÇK-së.
Ajo ka thënë se do të dalë në protestë për të gjithë ata që guxuan të luftojnë, për të vrarët por edhe për ushtarët e gjallë që sipas saj po nëpërkëmben.
Nesër do të dal në protestë. Për gjithë ato gra e burra që patën guxim ta mundin frikën dhe vdekjen.
Për dajën tim të vrarë me pushkë në dorë.Për ushtarët e gjallë, por fatkeqësisht të fyer e të nëpërkëmbur.
Veteranët e Ushtrisë Çlirimtare të Kosovës nesër do të mbajnë protestë në sheshin “Skënderbeu” në Prishtinë. Kështu është bërë e ditur përmes një postimi nga kryetari i OVL-UÇK-së në Pejë, Gazmend Syla.
Në njoftim është potencuar se “do të protestohet kundër skandaleve qeveritare”.