Ish-zv/kryeministri i Shqipërisë, Arben Ahmetaj pritej që në orën 16:00 të paraqitej në mbledhjen e Këshillit të Mandateve që do të vendosë për kërkesën e SPAK për arrestimin e tij.
Mbledhja vijon prej mbi 3 orësh, por Ahmetaj nuk u paraqit në nisje të saj.
Ai përfaqësohet nga mbrojtësit e tij ligjor, Ardian Visha dhe Henrik Ligori, me këtë të fundit që ka zbuluar në mbledhje se ish-zv/kryeministri ndodhet jashtë kufijve të Shqipërisë.
Ndërkohë përfaqësuesit e organit të akuzës janë pyetur nga kreu i grupit parlamentar të PD, Gazment Bardhi nëse Ahmetaj është larguar për në Kanada, pasi Prokuroria e Posaçme paraqiti në Kuvend kërkesën për arrestimin e tij.
Pyetjes së deputetit demokrat i është përgjigjur kreu i SPAK, Altin Dumani, duke thënë “nuk e dimë”.
Sakaq, mësohet se avokatët e Ahmetajt kanë parashtruar kërkesë për shtyerjen e mbledhjes për ditën e nesërme.