Ajo aplikon një nga dietat më të shëndetshme dhe praktikon këto stërvitje
Sekreti i figurës në formë të mbretëreshës spanjolle është në këtë lloj ushqimi dhe stërvitjeje të kombinuara.
Mbretëresha spanjolle Letizia në moshën 50-vjeçare merr komplimente kudo që shfaqet për figurën e saj të jashtëzakonshme.
Ajo konsiderohet si një nga femrat më të bukura në botë dhe pushton me karizmin dhe sofistikimin e saj.
Ajo ia atribuon meritën për dukjen e saj një menyje të veçantë dhe një mënyre ushtrimi që i përmbahet vazhdimisht. Letizia thotë se ky është sekreti i formës së saj të mirë, transmeton Telegrafi.
Mbretëresha zgjohet në 7 çdo mëngjes dhe e nis ditën me një lloj të veçantë joge që thekson saktësinë dhe harmoninë. Pozat mbahen më gjatë se mesatarja për të ndërtuar forcën dhe tonifikimin e muskujve.
Kjo formë e jogës jo vetëm që konsiderohet e dobishme për ata që kërkojnë të humbin peshë, por gjithashtu ofron përfitime të shumta për sistemin nervor, sistemin imunitar dhe cilësinë e gjumit.
“Ajo zakonisht në orën e parë vrapon nëpër kopshtet e Zaruzel. Mbretëresha ka gjithashtu një trajner personal që vjen në pallat çdo mëngjes. Ajo stërvitet në një palestër private familjare, bën ushtrime me pesha, pak kardio dhe boks”, shtoi një burim i afërt.
Në dietën e saj, mbretëresha kombinon ushqimin më të mirë mesdhetar me elementë të dietës Perikone.
Dieta Perricone, e quajtur pas Dr. Nicholas Perricone, fokusohet në ushqimet anti-inflamatore që thuhet se promovojnë shëndetin dhe mirëqenien e brendshme, duke përfshirë salmonin, proteinat pa yndyrë, arrat, frutat, perimet e freskëta dhe vajrat e shëndetshëm.
E konsideruar si një nga më të shëndetshmet, kjo dietë fokusohet në mirëqenien afatgjate, gjithashtu ka veti kundër plakjes dhe përfitime të shumta të lëkurës.
Kjo përzierje unike ofron disa përfitime të mundshme për ata që kërkojnë të përmirësojnë shëndetin dhe mirëqenien e tyre, duke përfshirë efektet pozitive në mikrobiomën e zorrëve, thotë Sas Parsad, nutricionist në The Gut Co.
Përveç kësaj, Letizia shmang sheqerin dhe nuk ha ushqime të gatshme, ushqime të ngrira apo pica. Sa i përket pijeve, mbretëresha shmang me çdo kusht kafen, lëngjet dhe alkoolin.
/Telegrafi/