Një patate e zier me gjithë lëkurë përmban: 118 kalori, 27gr karbohidrate, 2gr fibra, 1gr sheqer natyral, 3 gr proteina, 5mg sodium, 515mg potasium, 18mg vitaminë C.
Pra një patate pa lëkurë ofron dy gramë fibra, por ngrënia e patates me lëkurë do të shtojë edhe një gram fibra, sipas USDA. Kjo mund t’ju ndihmojë të arrini sasinë tuaj të rekomanduar të fibrave (25 deri në 38 gramë në ditë), gjë që mund t’ju ndihmojë të qëndroni në formë. Me pak fjalë, mund të keni më pak gjasa të mostretjes kur hani patate me lëkurë dhe ushqime të tjera që përmbajnë fibra si perimet, frutat, drithërat e plota, etj.
Forma e patateve që hani mund të ndikojë në shëndetin tuaj kjo mund të lidhet me mënyrën se si amidoni i patates ndryshon strukturën pas gatimit, shkruan Eatingwell.
Në mënyrë të veçantë, patatet e ziera krijojnë amidon që tretet ngadalë. Kjo vonon tretjen dhe thithjen e karbohidrateve. Si pasojë, kur vaktet tuaja përfshijnë patate, ju mund të ndiheni të ngopur dhe të kënaqur më gjatë. Në fund të fundit, mund të keni më pak gjasa të hani tepër ose të keni dëshirën për të ngrënë pak pasi ta keni përfunduar ushqimin.
Patatja përmirëson shëndetin tuaj të zorrëve
Patatet e plota përmbajnë amidon rezistent, i cili fermentohet nga bakteret në zorrën e trashë. Kjo do të thotë se konsiderohen si prebiotik, kështu që ata ushqejnë bakteret “e mira” në zorrën tuaj, sipas hulumtimit të vitit 2019 në American Journal. Ngrënia e patateve të plota dhe burimeve të tjera ushqimore të prebiotikëve, si hudhra, ndihmon në mbajtjen e një mikrobiomi të shëndetshëm, duke përmirësuar tretjen dhe duke mbështetur shëndetin imunitar.
Përmirëson presionin e gjakut
Patatet janë të bollshme në kalium, mineralin që mbështet nervat, muskujt, veshkat dhe zemrën tuaj. Kaliumi luan gjithashtu një rol kyç në rregullimin e tensionit të gjakut. Një patate siguron një burim të mirë kaliumi.
Mund të shkaktojë rritjen e sheqerit në gjak
Patatet e gatuara kanë një indeks glycemik relativisht të lartë, që do të thotë se patatja rrit sheqerin në gjak më shpejt se të tjerët. Në varësi të llojit të patates dhe metodës së gatimit, indeksi glikemik i patates mund të variojë nga 50 deri në 111. Në përgjithësi, falë fibrës së shtuar, patatet e plota me lëkurë dhe patatet e prera me lëkurë kanë glikemi më të ulët se patatet e thjeshta.
Hulumtimet zbuluan gjithashtu se patatet që gatuhen paraprakisht, të ftohura dhe të nxehura mund të kenë një ngarkesë glikemike më të ulët se patatet e sapo gatuara. Kjo mënyrë është një strategji që mund ta përdorni nëse jeni duke punuar në menaxhimin e sheqerit në gjak. Mirëpo këtu ndikojnë edhe sa papate keni ngrënë edhe sasia e ushqimeve të tjera që keni konsumuar. Nëse i kombinoni patatet me ushqime që përmbajnë më shumë fibra do të keni rezultat më të mirë në kontrollimin e sheqerit.
Gjithashtu ekspertët kanë rekomanduar se nëse shihni që patatet kanë ngjyrë të gjelbër është më mirë të mos i konsumoni. Kjo sepse duke qëndruar në diell patates i formohet një kimikat që është shumë i dëmshëm për shëndetin që quhet solanine. Dhe për shkak të kësaj patatet preferohet ti mbani në një vend të errët, të freskët dhe të thatë. Nëse ruhen në rreth 7 gradë celsius patatet mund të rrinë në gjendje të mirë për mbi 2 deri në 3 muaj.