Deputeti demokrat i Lushnjes ka mbërritur në ambientet e Kuvendit me një tufë me grurë, në formën e buqetës.
Korreshi tha se ishte në Kuvend për të dërguar zërin e fermerëve, që këtë vit dolën me humbje si pasojë e çmimit të ulët të grurit.
“Kjo është një buqetë nga fermerët e Myzeqesë, në pamundësi për të ardhur me shalqi, mbase vij javën tjetrër, meqë iu morën votën iua fusim pak dhe me çmim. Sot në bursë gruri është me 22 dollarë kuintali, të gjithë fermerët kanë dalë me humbje, presin ndonjë kokërr leku nga qeveria në formën e subvencionit”, tha Korreshi.
Fermerët e Myzeqesë këtë vit janë ankuar në lidhje me çmimin e shitjes së grurit, që sipas tyre është shumë i ulët dhe nuk mbulon kostot për kultivimin e tij.
Për këtë ata kërkojnë një mbështetje përmes skemave subvencionuese nga ana e qeverisë.
